У нецвярозых кіроўцаў могуць канфіскаваць машыны іх сваякоў
Генпракуратура і Мінюст падрыхтавалі законапраект, у якім прапануецца канфіскоўваць аўтамабіль у нецвярозых кіроўцаў толькі ў рамках крымінальнай адказнасці.
У ім прапануецца забіраць аўтамабіль, калі дзеянні п'янага кіроўцы прывялі да смерці іншага чалавека альбо нанеслі цяжкія цялесныя пашкоджанні. За паўторнае кіраванне ў нецвярозым стане прапануецца пазбаўляць волі на тэрмін да двух гадоў.
Верагодна, канфіскацыя будзе распаўсюджвацца на любыя формы ўласнасці аўтамабіля. Як інфармуе БЕЛТА, у нашай краіне цяпер толькі 30% вадзіцеляў кіруюць аўтамабілямі, якія знаходзяцца ў іх прамой уласнасці. Астатнія ездзяць па даверанасці альбо запісваюць машыну на кагосьці са сваякоў.
Нагадаем, узмацніць пакаранне для нецвярозых кіроўцаў запатрабаваў кіраўнік дзяржавы.
Забіраць машыны ў п’яных кіроўцаў будуць ужо ў наступным годзе?
Усе "сілавікі" — за канфіскацыю аўтамабіляў у нецвярозых кіроўцаў
