У Мінску незадаволеныя дольшчыкі выйшлі на мітынг
Дом на Лагойскім тракце ўжо некалькі гадоў не могуць здаць у эксплуатацыю — будаўніцтва пачалося 4 гады таму.
Забудоўнік спасылаецца на тое, што матэрыялы для гэтага дома пастаўляюць з-за мяжы, таму даводзіцца чакаць. Між тым гаспадары будучых кватэраў абавязаныя аплачваць нават прастой будаўнічага крану з Літвы. Кошты на матэрыялы ўвесь час мяняюцца і людзям выстаўляюць усё новыя і новыя рахункі. Так, на момант заключэння дамовы кватэра адной з удзельнікаў мітынгу каштавала 195 мільёнаў, а цяпер ёй трэба заплаціць яшчэ 260 мільёнаў і гэта не апошні плацёж.
Пакуль што дольшчыкам абяцаюць здаць дом да новага году, але гарантыі на 100% не даюць, інфармуе tvr.by
