У Кіеве адбываецца мітынг супраць палітычных рэпрэсій
У акцыі ў цэнтры ўкраінскай сталіцы ўдзельнічае каля пяці тысяч чалавек.
Удзельнікі акцыі трымаюць сцягі партый "Бацькаўшчына" і "Свабода", Еўрапейскай партыі Украіны, а таксама нацыянальныя сцягі, перадае ВВС.
Адзін з лідараў "Бацькаўшчыны" Мікалай Таменка сказаў журналістам, што марш ладзіцца на знак пратэсту супраць дзеянняў улады, якая "выкарыстоўвае свабоду ўвязненых лідараў апазіцыі як прадмет гандлю за сяброўства Украіны ў Еўрапейскім Саюзе".
У панядзелак у Брусэлі адкрыўся саміт Украіна-ЕС. У гэты ж дзень тры гады назад прайшла цырымонія інаўгурацыі прэзідэнта Украіны Віктара Януковіча.
Фота — unian.net