У Казахстане сёння адбудзецца інаўгурацыя Назарбаева
Паводле абвешчаных вынікаў пазачарговых прэзідэнцкіх выбараў, якія адбыліся ў нядзелю, Назарбаеў атрымаў падтрымку больш як 95 з паловай адсоткаў галасоў.
Цэнтральная выбарчая камісія вырашыла лічыць Нурсултана Назарбаева абраным прэзідэнтам.
Назіральнікі АБСЕ заявілі, што выбары ў Казахстане не былі па-сапраўднаму дэмакратычнымі. Парламенцкая Асамблея Рады Еўропы, наадварот, заявіла, што выбары адлюстроўваюць волю народа.