У Гомелі паказваюць тыбецкія абразы (фота)
У гомельскім палацы Румянцавых-Паскевічаў праходзіць выстава абразоў і культавых прадметаў Тыбету.
Каля двух дзясяткаў абразоў з выявамі тыбецкіх багоў прывезлі ў Гомель з фондаў Бранскага аб'яднанага краязнаўчага музея. Пад кожнай выявай ёсць інфармацыя аб паходжанні адпаведнага бога і яго значнасці ў рэлігіі Тыбету.
На выставе таксама прадстаўлены тыбецкія культавыя прадметы з прыватнай калекцыі гамяльчаніна Юрыя Бірукова і фондаў самога Палаца.
