У Гомелі гродзенцы распавялі пра невядомага Адама Міцкевіча
У актавай залі ГДУ імя Францыска Скарыны прайшла літаратурна-музычная вечарына “Адам Міцкевіч бліжэй”.
Вядучы вечарыны гродзенскі акцёр Віктар Шалкевіч цягам гадзіны ў выглядзе своеасаблівага конкурса распавядаў і адначасова пытаўся ў гамельчукоў пра факты з жыцця знакамітага беларускага паэта. Тыя ж гамяльчане, якія давалі найбольшую колькасць правільных адказаў, атрымлівалі невялічкія падарункі з рук акцёра.
У мерапрыемстве таксама прынялі ўдзел піяніст і кампазітар Анатоль Кандыба і гродзенскі спявак мадагаскарскага паходжання Стэла Фіджы Ракурытасуа.
