У Літве сёння пачнецца пяты міжнародны MediaBarCamp
Ён прысвечаны выкарыстанню новых магчымасцяў сацыяльных медыя і развіццю медыя-актывізму сярод моладзі.
Асаблівая ўвага будзе звернутая на Twitter. Мяркуецца, што сёлета ў мерапрыемстве паўдзельнічае каля 120 чалавек з Беларусі, Украіны і краін Балтыі.
На MediaBarCamp адбудзецца прэзентацыя Еўрарадыё (у Літву едуць нашы супрацоўнікі — Павел Свярдлоў і Ціна Сікорская). Сачыць за падзеямі на MediaBarCamp можна будзе па хэштэгу #mediabarcamp.
З праграмай мерапрыемства можна пазнаёміцца на сайце мерапрыемства.
