У Бруселі сёння пройдзе нефармальны саміт Еўрасаюза
Як чакаецца, ён будзе прысвечаны абмеркаванню даўгавых праблемаў краін еўразоны.
Таксама на саміце пойдзе гаворка пра пытанні эканамічнага росту і павышэння занятасці, пра дамову аб фінансавай стабільнасці.
Нагадаем, у снежні мінулага года было вырашана ўстанавіць сістэму санкцый за перавышэнне дэфіцыту нацыянальнага бюджэту ўзроўню ў 3% унутранага валавага прадукту. Да новай дамовы выказалі жаданне далучыцца 17 краін еўразоны, а таксама Балгарыя, Чэхія, Данія, Венгрыя, Літва, Латвія, Польшча, Румынія і Швецыя. Супраць выказалася толькі Вялікабрытанія.
Фота — svoboda.org
