У Бабруйску два майстры скралі вінтоў і шрубак амаль на 80 мільёнаў рублёў
Міліцыянты затрымалі двух майстроў Бабруйскага заводу па вытворчасці тармазной апаратуры і механізмаў.
Іх падазраюць у прыўлашчанні матэрыяльных каштоўнасцяў на суму больш як 78 мільёнаў рублёў, перадае БелаПАН. Па версіі праваахоўнікаў, абодва майстры змовіліся з іншымі работнікамі прадпрыемства. 20 лютага яны пагрузілі ў аўтамашыну разнастайныя шрубы, гайкі, ключы ды іншую прадукцыю і вывезлі за межы прадпрыемства.
На затрыманых майстроў пачалі крымінальную справу.
Фота — antijob.net
