У авіякатастрофе ў Казахстане загінулі 27 чалавек
У ліку загінулых — кіраўнікі памежнай службы краіны.
Трагедыя адбылася ў аўторак. Як паведамляюць СМІ, ваенны самалёт Ан-72 разбіўся недалёка ад Шымкента. Самалёт зваліўся з вышыні 800 м, выконваючы чацвёрты разварот пры пасадцы.
На яго борце было 7 чальцоў экіпажа і дваццаць высокапастаўленых супрацоўнікаў памежнай службы Камітэта нацыянальнай бяспекі Казахстана. Сярод іх быў і выканаўца абавязкаў кіраўніка рэспубліканскай памежнай службы Турганбек Стамбекаў.
Праца выратавальнікаў і пажарнікаў не спатрэбілася: самалёт згарэў цалкам, засталіся толькі фрагменты.
Фота — 1tv.ru
