Цырымонію ўручэння “Оскара” пакажуць па БТ
Тэлеканал “Беларусь 1” у жывым эфіры будзе трансляваць 84-ю цырымонію ўручэння штогадовай прэміі Амерыканскай кінаакадэміі.
Пачнецца трансляцыя ў ноч з 26 на 27 лютага а 3.30 паводле беларускага часу. Самая чаканая кінападзея года традыцыйна пройдзе ў знакамітым тэатры Kodak у Лос-Анджэлесе.
Лідарам па колькасці намінацыяў стаў фільм “Ахоўнік часу 3D” — ён прэтэндуе на 11 узнагародаў. За 10 статуэтак будзе змагацца чорна-белая нямая карціна “Артыст”, перадае БелаПАН.
