Транзіт газу праз Беларусь не скароціцца, заявіў кіраўнік Газпрама
Пачатак паставак газу па трубаправодзе "Паўночная плынь" не будзе азначаць скарачэння транзіту газу па іншых маршрутах, у прыватнасці праз Беларусь і Ўкраіну.
Пра гэта, як паведамляюць расійскія інфармагенцтвы, заявіў кіраўнік "Газпрама" Аляксей Мілер, перадае карэспандэнт БЕЛТА.
"Так пытанне не стаіць. Пастаўкі па "Паўночнай плыні" будуць ажыццяўляцца па новых кантрактах", - сказаў Мілер.
Ён нагадаў, што будаўніцтва газаправода "Паўночная плынь" плануецца завяршыць у траўні, пасля чаго ўжо ўвесну бягучага года па трубаправодзе пачнуцца тэставыя пастаўкі. Аляксей Мілер адзначыў, што "гэта будуць пастаўкі ўжо на аснове доўгатэрміновых кантрактаў".