Тарыфная стаўка першага разраду — 250 тысяч рублёў
У такім памеры яна ўстаноўленая з 1 красавіка. Адпаведнае рашэнне прыняў урад.
Нагадаем, тарыфная стаўка першага разраду ўстанаўліваецца для аплаты працы работнікаў бюджэтных арганізацый і іншых арганізацый, што атрымліваюць субсідыі, работнікі якіх прыраўнаваныя па аплаце працы да работнікаў бюджэтных арганізацый.
Такім чынам, заробак бюджэтнікаў з панядзелка вырас на 4%.
Папярэдні раз тарыфная стаўка першага разраду была павышаная ў Беларусі 1 студзеня 2013 года да 240 тысяч рублёў, інфармуе БелаПАН.
