Таксіста пакараюць за 10 тысяч долараў, якія ў машыне пакінуў кліент
45-гадовы лідскі таксіст паўстане перад судом за прысваенне буйной сумы грошай, забытай кліентам у яго аўтамабілі.
Як паведамляе БелаПАН, таксіст пакінуў сабе сумку з грашыма і дакументамі, якую забыўся ў машыне кліент нападпітку. У ёй знаходзілася 10000 долараў і 6300 еўра. Грошы таксіст пакінуў сабе, а сумку выкінуў.