Старшыня Следчага камітэту стаў генерал-маёрам юстыцыі
Указ аб прысуджэнні гэтага звання Валерыю Вакульчыку кіраўнік краіны падпісаў 5 студзеня.
Вакульчык быў прызначаны на пасаду старшыні Следчага камітэту 24 кастрычніка 2011 года. Да гэтага, з траўня 2008 года, ён узначальваў Аператыўна-аналітычны цэнтр пры прэзідэнце.
Валерый Вакульчык нарадзіўся 19 чэрвеня 1964 года ў Брэсцкай вобласці. Скончыў Харкаўскую гвардзейскую вышэйшую танкавую камандную вучэльню, Вышэйшыя курсы ваеннай контрвыведкі КДБ СССР, Акадэмію кіравання пры прэзідэнце Беларусі, інфармуе БелаПАН.