Старшыня Хельсінскай камісіі ЗША патрабуе суда над Лукашэнкам
Кангрэсмэн Крыстафер Сміт заявіў аб гэтым на слуханнях камісіі ў справе Беларусі.
Яны прайшлі 15 лістапада. Сміт паведаміў, што звернецца да адміністрацыі прэзідэнта ЗША з заклікам працаваць над тым, каб супраць Аляксандра Лукашэнкі вылучылі абвінавачанні ў Міжнародным крымінальным судзе ў Гаазе, інфармуе “Радыё Свабода”.
Такія заявы Сміт зрабіў пасля выступлення на слуханнях былога кандыдата ў прэзідэнты Алеся Міхалевіча. Той расказаў пра катаванні ў турме КДБ. У прыватнасці, пра так званыя "расцяжкі", вывад голымі на холад, доўгае стаянне ля сцяны амаль у шпагаце, пагрозы і маральны ціск.
