Справы Някляева, Саннікава і Рымашэўскага паступілі ў суды
Вызначаны раённыя суды, якія будуць разглядаць справы экс-кандыдатаў у прэзідэнты Ўладзіміра Някляева, Віталя Рымашэўскага і Андрэя Саннікава.
Справа Саннікава паступіла ў Партызанскі суд Мінска. Як паведамляе Радыё "Свабода" са спасылкай на яго адвакатаў, дата пачатку працэсу пакуль невядомая.
19 красавіка Рымашэўскі атрымаў з Фрунзенскага суду Мінску паведамленне, што менавіта там будзе разглядацца яго справа. У тым жа судзе пройдзе працэс і над Уладзімірам Някляевым, Андрэем Дзмітрыевым, Аляксандрам Фядутам.
