Сіноптыкі: у суботу чакаецца ад 5 да 12 цяпла, дажджы
Ападкі прагназуюцца на большай частцы тэрыторыі нашай краіны.
Уначы і раніцай у Брэсцкай вобласці прагназуецца туман. Вецер паўднёвы, 4-9 метраў за секунду, уначы на Віцебшчыне і Магілёўшчыне яго парывы дасягнуць 14 метраў за секунду.
Тэмпература паветра ў начныя гадзіны складзе 1-7 вышэй за нуль, у дзённыя — 5-10 цяпла, на Брэстчыне — да 12, інфармуе БЕЛТА.
ДАІ заклікае кіроўцаў аўтамабіляў і веласіпедыстаў быць больш уважлівымі, паколькі туман і дождж зробяць больш складанай сітуацыю на дарогах.
Фота — bymedia.net
