Сіноптыкі: у чацвер чакаецца ад 1 цяпла да 9 марозу
У бліжэйшыя суткі прагназуецца снег, мокры снег, магчымая слабая завіруха.
Уначы на большай частцы тэрыторыі краіны, а ўдзень месцамі моцны снег. На Гомельшчыне пройдзе мокры снег з дажджом, у начныя гадзіны і раніцай туман, галалёд. На асобных участках дарог захаваецца галалёдзіца.
Вецер будзе паўночна-ўсходні 4-9 метраў за секунду, на Гродзеншчыне месцамі яго парывы дасягнуць 12 метраў.
Тэмпература паветра на працягу сутак будзе вагацца ад 9 марозу на паўночным захадзе да 1 градуса цяпла ў Гомельскай вобласці, паведамляе БЕЛТА.
Фота — bymedia.net
