Сіноптыкі: 11 снежня — да 10 градусаў марозу, чакаецца моцны снег
Ападкі прагназуюцца на большай частцы тэрыторыі краіны.
Моцны снег — уначы і раніцай пройдзе ў многіх раёнах, удзень — на ўсходзе Беларусі. Месцамі — наліпанне мокрага снегу і слабы галалёд, на асобных участках дарог галалёдзіца. Уначы на захадзе краіны магчымы слабы туман.
Тэмпература паветра на працягу сутак будзе вагацца ад нуля да -6 градусаў. У начныя гадзіны на захадзе Беларусі чакаецца да 10 градусаў марозу, інфармуе БЕЛТА.
Да выхадных маразы ўзмоцняцца — да -16-18 градусаў.
Фота — bymedia.net
