Сёння спаўняецца год з часу тэракту ў мінскім метро
Яго ахвярамі сталі 15 чалавек, больш за 200 былі параненыя.
У розных гарадах краіны пройдуць акцыі памяці. У Слуцку адбудзецца грамадска-культурная акцыя "Зберагчы Беларусь для будучыні", прысвечаная трагічным старонкам найноўшай гісторыі Беларусі. У Мінску ля уваходу на станцыю метро “Кастрычніцкая” адкрыюць помнік ахвярам тэракту, а ў храме Усіх святых запланаваны мітынг-рэквіем.
Нагадаем, што выбух у сталічным метро прагрымеў 11 красавіка 2011 году. Праз два дні былі арыштаваныя падазраваныя у яго арганізацыі — ураджэнцы Віцебска Дзмітрый Канавалаў і Уладзіслаў Кавалёў. У канцы лістапада 2011-га суд прызнаў іх віну і прыгаварыў да смяротнага пакарання. 15 сакавіка сёлета яны былі расстраляныя.
Фота — Еўрарадыё
