Расія асудзіла адзіны дзень памяці ветэранаў у Латвіі
МЗС Расіі выступіла супраць увядзення ў Латвіі адзінага дня памяці для ветэранаў латышскага легіёна "Вафен-СС" і тых, хто адзначае Дзень Перамогі 9 траўня.
На думку расійскіх дыпламатаў, гэта спрыяе распальванню расісцкіх настрояў і паглыбленню міжэтнічных супярэчнасцяў.
Упаўнаважаны расійскага МЗС па правах чалавека Канстанцін Далгоў назваў блюзнерствам заклік кіраўніка каталіцкай царквы Латвіі Збігнева Станкевіча да "адзінага дня памяці", перадае ВВС.
Ён назваў амаральнай спробу паставіць у адзн шэраг тых, хто ваяваў супраць фашызму, і тых, хто быў у шэрагах асуджаных Нюрнбергскім трыбуналам эсэсаўскіх фармаванняў.