Мінчук запусціў бутэльку ў лімузін незнаёмца, які не захацеў яго пакатаць
![Был пьян, но раскаялся](/sites/default/files/styles/gallery_main/public/2024-08/bermix-studio-rgt7tz7gbdo-unsplash.jpg.webp?itok=8emqdXgw)
Был пьян, но раскаялся / unsplash.com
У Мінску мужчына запусціў бутэльку ў шкло белага лімузіна, бо кіроўца адмовіўся яго пракаціць.
Раніцай, праходзячы міма гандлёвага цэнтра на праспекце Машэрава, мінчанін звярнуў увагу на прыпаркаваны каля абочыны белы Hummer H2, у які садзіліся пасажыры. Мужчына паспрабаваў залезці ў салон разам з імі, але яго папрасілі пайсці. Ён засмуціўся і запусціў у машыну бутэльку, якая разбіла задняе бакавое шкло.
Кіроўца выклікаў міліцыю. Хулігана затрымалі, узбудзілі крымінальную справу і запатрабавалі пакрыць матэрыяльную шкоду, якая склала 474 рублі.
У пракуратуры паведамілі, што мужчына раней не быў судзімы. Сваю віну ён цалкам прызнаў і раскаяўся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.