Алесь Бяляцкі трапіў у шорт-ліст прэміі Сахарава
Разам з беларускім праваабаронцам, які знаходзіцца за кратамі, у лік намінантаў трапілі ўдзельніцы расійскага панк-гурта Pussy Riot.
Гэтую ўзнагароду імя Андрэя Сахарава ўручаюць асобам і арганізацыям за ўнёсак у абарону правоў чалавека. Ініцыятарам вылучэння кандыдатур дзяўчат стаў дэпутат асамблеі ад фракцыі “Зялёныя” Вернер Шульц. Яго прапанову падтрымалі яшчэ 45 дэпутатаў, перадае ВВС.
Cярод іншых намінантаў на прэмію — іранскі рэжысёр Джафар Панахі, а таксама праваабаронцы з Пакістану і Руанды.
