Праз год пасля выбуху ў метро 4 пацярпелыя ўсё яшчэ лечацца
Тым часам улады рыхтуюць шэраг мерапрыемстваў, прымеркаваных да ўгодак тэракту.
Пра тое, што чатыры пацярпелыя ад выбуху дагэтуль знаходзяцца на бальнічных лістах, паведаміла старшыня камітэта па працы, занятасці і сацыяльнай абароне Мінгарвыканкама Жанна Рамановіч. Агулам на лекі і лекаванне пацярпелых было выдаткавана больш за 150 мільёнаў рублёў, інфармуе БЕЛТА.
11 красавіка, на гадавіну выбуху, у 17.50 на ўваходзе да станцыі метро "Кастрычніцкая" будзе адкрыты памятны знак. У той жа час каля храма-помніка ў гонар Усіх Святых пройдзе мітынг-рэквіем. А ў 18.30 у крыпце храма запланавана адкрыць дошку памяці і адслужыць паніхіду.
