Польшча крытыкуе праект газаправода "Ямал—Еўропа—2"
Ідэя выглядае сумнеўна, калі ўлічыць новыя праекты ў галіне транспартавання газу.
З такой заявай 3 красавіка ў Варшаве выступіў Мікалай Будзаноўскі, міністр дзяржаўнага скарбу Польшчы, які курыруе дзейнасць паліўна-энэргетычнага комплексу.
Нагадаем, што з ідэяй аднавіць праект газаправоду выступіў прэзідэнт Расіі Уладзімір Пуцін. Кіраўнік "Газпраму" Аляксей Мілер адзначыў, што транзіт праз тэрыторыю Беларусі з'яўляецца для Расіі самым эканамічна эфектыўным. Пры гэтым ён нагадаў, што газатранспартная сістэма Беларусі знаходзіцца ва ўласнасці "Газпрама", адзначае БелаПАН.
Фота — tvp.info
