Пінская габрэйская грамада адзначыла Пурым (фота)
Гэта свята ў гонар пазбаўлення іудзеяў ад вынішчэння ў Персідскім царстве.
Галоўная традыцыя старажытнага свята — публічнае чытанне кнігі Эсфіры, пад час якога пачуўшы імёны сваіх крыўдзіцеляў габрэі пачынаюць на знак ганьбы свістаць, тупаць нагамі і шумець адмысловымі трашчоткамі.
А ўвогуле Пурым — вясёлае свята. Да позняга вечара яго адзначаюць спевамі, карнавалам і танцамі. У гэты дзень прынята піць шмат віна, як кажуць да той пары, пакуль габрэй не перастане адрозніваць праклёны сваім ворагам ад ухвалаў добразычліўцам.
