Пазачарговыя вакацыі не пачаліся толькі ў мінскіх школьнікаў
Праз моцныя маразы ва ўсіх рэгіёнах Беларусі прыпыненыя заняткі ў сотнях школ. Толькі ў сталіцы працуюць усе навучальныя ўстановы.
Як паведамляе БЕЛТА, у Брэсцкай вобласці зачыненыя 158 школ. Прычым, у Пінску і Пінскім раёне прыпыненыя заняткі ва ўсіх школах. На Віцебшчыне адмянілі заняткі для вучняў пачатковых класаў. На Гомельшчыне цалкам спынілі заняткі 140 школ, на Гродзеншчыне — 44, на Магілёўшчыне — 82, на Міншчыне — 328.
