Павал Севярынец прынцыпова не пойдзе працаваць у нядзелю
Палітвязень, які адбывае 3 гады “хіміі” у Пружанскім раёне, не вітае ўказ аб пераносе працоўнага дня 9 сакавіка на нядзелю, 11 сакавіка.
Як шчыры вернік Павал Севярнец збіраецца 11 сакавіка прысвяціць, як звычайна, наведванню царквы і малітвам. Палітык спадзяецца дамовіцца і адпрацаваць 9 сакавіка замест 11-га. Пры гэтым Севярынец абяцае, што 11 сакавіка не будзе працаваць нават пад расстрэлам, перадае Радыё Свабода.
