Парламент ухваліў планы ўрада на пяцігодку
Палата прадстаўнікоў сёння на пазачарговай сесіі ўхваліла праграму дзейнасці ўрада на 2011-2015 гг.
Нагадаем, першы варыянт Праграмы быў ухвалены Усебеларускім народным сходам напярэдадні выбараў прэзідэнта. Большасць дэпутатаў з'яўляліся яго дэлегатамі. Аднак новы прэм'ер Міхаіл Мясніковіч, прызначаны пасля выбараў, заявіў, што дакумент патрабуе дапрацоўкі.
Цяпер дэпутаты гэтак жа адзінагалосна ўхвалілі ўжо "дапрацаваную" праграму.
