Памёр вядоўца “Гарадка” Ілля Алейнікаў
Акцёр і тэлевядоўца, народны артыст Расіі пайшоў з жыцця 11 лістапада пасля працяглай хваробы.
Яму было 65 гадоў. Ілля Алейнікаў (яго сапраўднае прозвішча Клявер) стварыў свой тэлепраект “Гарадок” разам Юрыем Стаянавым. У творчым дуэце яны працавалі з 1993 года. Менавіта “Гарадок” зрабіў Алейнікава знакамітым і асабліва папулярным.
Апроч працы на тэлебачанні, артыст шмат здымаўся ў кіно, паставіў у 2008 годзе мюзікл “Прарок” і разам з жонкай у 2010 годзе выпусціў альбом “Шансон на дваіх”.
У Іллі Алейнікава застаўся сын Дзяніс Клявер (саліст гурта “Чай вдвоем”) і двое ўнукаў.
