Памёр беларускі пісьменнік Сакрат Яновіч
Адзін з лідараў беларускай меншасці ў Польшчы памёр учора ў родным доме ў Крынках на Беласточчыне. Яму было 76 гадоў.
Сакрат Яновіч працаваў перакладчыкам у тыднёвіку беларусаў Польшчы "Ніва", журналістам. У 1970-м быў звольнены з працы за "беларускі нацыяналізм", застаўся беспрацоўным, нейкі час працаваў грузчыкам, тэхнікам бяспекі працы. У 1973 годзе скончыў завочны факультэт польскай і славянскай філалогіі Варшаўскага універсітэта. Пісаў на беларускай і польскай мовах. Аўтар зборнікаў апавяданняў і мініяцюр, выйшла каля 30 яго кніг.
Як паведамляе radyjo.net, у 2007 Сакрат Яновіч прызнаўся, што ў 1958-1970 гадах супрацоўнічаў са Службай бяспекі Польскай Народнай Рэспублікі.
Фота — grsu.by