Памёр легендарны беларускі футбаліст Эдуард Зарэмба
Славуты спартсмен сышоў раптоўна, на 75-м годзе жыцця.
Эдуард Зарэмба быў бронзавым прызёрам чэмпіянату СССР 1963 года. Цягам многіх гадоў выступаў за каманды майстроў з Мінска — “Спартак”, “Беларусь” і “Дынама”.
У вышэйшай лізе чэмпіянату СССР ён правёў 265 матчаў, у складзе дынамаўцаў заваяваў бронзавыя медалі чэмпіянату СССР 1963 года, выступаў у фінале Кубка СССР 1965 года.
Зарэмба прыцягваўся ў шэрагі нацыянальнай зборнай каманды СССР. Пасля заканчэння кар’еры гульца інспектаваў футбольныя матчы, працаваў дзіцячым трэнерам.
