Новы дзяржсакратар ЗША раней выступаў за санкцыі супраць Мінску

Як паведамляе Радыё "Свабода", два гады таму, у студзені 2011-га, газета The Washington Post надрукавала артыкул Джона Кэры і незалежнага сенатара Джо Лібермана. Разам яны заклікалі Захад адказаць на паслявыбарчыя рэпрэсіі ў Беларусі адраснымі эканамічна-фінансавымі і візавымі санкцыямі.

Кэры і Ліберман прапанавалі пяць крокаў, якія мусілі прыняць ЗША і Еўрасаюз. У іх ліку — адрасныя санкцыі супраць беларускіх чыноўнікаў, адказных за пераслед і парушэнні правоў чалавека, санкцыі супраць кануэрна "Белнафтахім", пыненне беларускіх уладных праектаў ва Усходнім партнёрстве.  Таксама палітыкі заклікалі Расію далучыцца да ціску на афіцыйны Мінск.

Фота — Reuters