Некаторыя сведкі на судзе Варламава пачалі мяняць паказанні
У Ленінскім судзе сталіцы ў сераду працягваўся суд над вядомым мадэльерам.
Сёння дапыталі каля 7 сведкаў. Прычым, некаторыя з іх мянялі паказанні. Яны казалі пра ціск на іх з боку следчых, паведамляе Радыё Свабода.
Суд працягнецца ў чацвер, пачатак а 10-й гадзіне. Зноў чакаюцца допыты сведак.
Нагадаем, вядомага мадэльера вінавацяць у махлярстве ў асабліва буйным
памеры, прыўлашчванні маёмасці, ухіленні ад уплаты падаткаў, злоўжыванні
службовымі паўнамоцтвамі, крадзяжы ў буйным памеры.
Саша
Варламаў знаходзіцца за кратамі з 20 траўня 2011 года. Ён займаў пасаду
дырэктара прадпрыемства "Агенцтва моды Сашы Варламава", кіраўніка Цэнтра
моладзевай моды БДУ ды інш.
