Надвор’е на панядзелак: уначы да 20 градусаў марозу
У бліжэйшыя суткі, 11 сакавіка, у Беларусі будзе хмарна з праясненнямі.
Па паўднёва-заходняй палове краіны магчымы снег, слабая завіруха. На асобных участках дарог захаваецца галалёдзіца. Вецер паўночна-ўсходні ўмеркаваны, па поўдні парывісты.
Тэмпература паветра ўначы складзе 10-16 градусаў марозу, па паўночным усходзе пры праясненнямі будзе да мінус 20 градусаў, на паўднёвым захадзе — мінус 4-9 градусаў.
Удзень прагназуецца 1-7 градусаў ніжэй за нуль, інфармуе БЕЛТА са спасылкай на Белгідрамет.
