На вясну 2012 года рыхтуецца Кангрэс беларускіх нацыяналістаў
Арганізаваць яго прапанавала група дэмакратычных актывістаў з Магілёва.
Неабходнасць правесці такі кангрэс яны тлумачаць дыскрымінацыяй беларускамоўнага насельніцтва, а таксама пагрозай для незалежнасці Беларусі, перадае Радыё "Свабода".
Адным з асноўных пытанняў на кангрэсе будзе пытанне абароны культуры. Таксама ініцыятары будуць абмяркоўваць адкрыццё беларускамоўных навучальных установаў.
Зладзіць акцыю плануецца ў сталіцы. Аднак не выключаюцца і запасныя варыянты. Кангрэс можа прайсці і па-за межамі Беларусі, у мясцінах, гістарычна звязаных з лёсам Беларусі.
