На волю выйшаў Аляксей Пікулік
Акадэмічны дырэктар Беларускага інстытута стратэгічных даследаванняў (BISS, Літва) пяць сутак адсядзеў у Мінску за кратамі.
Яго пакаралі, нібыта, за "нецэнзурную лаянку". Як паведамляе Радыё Свабода, Аляксей Пікулік будзе абскарджваць рашэнне суда Цэнтральнага раёна ад 1 чэрвеня.
Нагадаем, яшчэ 6 красавіка ў Пікуліка забралі пашпарт і дагэтуль не вярнулі. Міліцыянты тады заявілі, што падазраюць палітолага ва ўдзеле ў бойцы і падробцы дакументаў.