На віншаванні служба пратаколу Лукашэнкі адказала праз 2 месяцы
На віншаванні з 3 ліпеня ад кіраўніка Аб'яднаных Арабскіх Эміратаў адказ з Беларусі прыйшоў толькі некалькі дзён таму.
Пра гэта піша "Хартыя-97" са спасылкай на партал Emirates News Agency. Прэзідэнт Аб'яднаных Арабскіх Эміратаў шэйх Халіфа бен Заід аль-Нахаян 5 верасня атрымаў падзяку ад Аляксандра Лукашэнкі ў адказ на віншаванні з нагоды Дня незалежнасці Беларусі. Віцэ-прэзідэнт краіны і эмір Дубая Мухамед бін Рашыд аль-Мактум таксама атрымаў аналагічнае паведамленне.
Няясна, чым тлумачыцца такая затрымка.
