На ўправе БНФ прайшла вечарына памяці Арцёма Грыбкова
Былы палітвязень загінуў у летась у снежні, як кажуць сваякі — у аўтакатастрофе.
Вечарына памяці пачалася з прагляду відэаінтэрв'ю Арцёма Грыбкова, якое ён даў у жніўні 2011 году, калі выйшаў на волю з магілёўскай калоніі.
Былы палітвязень Зміцер Дрозд сядзеў з Арцёмам Грыбковым у адной калоніі. На вечарыне ён прачытаў вершы Грыбкова, якія ўпершыню пачуў ад яго за кратамі, паведамляе Радыё "Свабода".
Успамінамі пра Арцёма Грыбкова падзяліўся і Сяргей Казакоў, таксама асуджаны за Плошчу.
Удзельнікі Марафону салідарнасці з палітвязнямі сабралі грашовыя ахвяраванні для сям’і Арцёма Грыбкова. Яго ўдава Святлана праз некалькі месяцаў мусіць нарадзіць ад яго сына.
Фота — svaboda.org
