На Століншчыне паляўнічы замест кабана застрэліў сябра
Трагедыя адбылася ноччу 11 верасня.
Як паведаміў БелаПАН старшы следчы следчага аддзела пракуратуры Брэсцкай вобласці Аляксандр Дзянісавіч, цела загінулага з агнястрэльным раненнем знайшоў раніцай 12 верасня ва ўрочышчы Байкова мясцовы жыхар, які пас кароў. Пра гэта ён паведаміў у міліцыю. Пазней высветлілася, што трагедыя адбылася падчас палявання на дзіка. 33-гадовы паляўнічы стрэліў напрамку руху жывёлы. А трапіў у аднаго з паляўнічых, 36-гадовага мужчыну. Ён атрымаў агнястрэльныя раненні ў галаву і грудзі.
