На Міншчыне завялі чатыры крымінальныя справы на лесарубаў
Незаконныя вырубкі лесу былі зафіксаваныя ў Стаўбцоўскім доследным лясгасе і ў Лагойскім лясгасе.
Як паведамілі БЕЛТА ў Генпракуратуры, незаконную вырубку ажыццяўлялі работнікі лясгасаў — для выканання планаў і атрымання прыбытку ад рэалізацыі драўніны. Шкода, нанесеная навакольнаму асяроддзю, ацэньваецца ў болей чым 133 мільёны рублёў.
