На Брэстчыне моляцца за Сяргея Каваленку (фота)
Малітва супольная і бесперапынная.
Моляцца “за яго моц, здароўе, за тое, каб спыніў галадоўку”, цытуе словы верніцы Ірыны Лаўроўскай сайт “Вясна”. Лаўроўская ўпэўненая, што дапамагчы Сяргею Каваленку можа толькі Бог, таму запрашае людзей добрай волі спрычыніцца да малітвы.
Пакуль у супольнай малітве ўдзельнічаюць дзясяткі вернікаў.
Нагадаем, што палітвязень трымае галадоўку на знак пратэсту супраць арышту. Каваленка ўжо важыць 55 кг. Цяпер ён знаходзіцца ў турэмным шпіталі ў Мінску.
