Мытны саюз можа перайсці на адзіную валюту праз 10—12 гадоў
Такое меркаванне выказаў кіраўнік Нацбанка Казахстана Рыгор Марчанка.
Па яго словах, павінна быць наднацыянальная валюта, якая эмітуецца наднацыянальным банкам. У якасці прыкладу ён назваў зону еўра, перадае БелаПАН.
На пытанне пра тое, як можа называцца новая валюта, Марчанка не даў пэўнага адказу. На яго думку, назваць можна як заўгодна: "Што палітыкі прыдумаюць, то і будзем выкарыстоўваць".
Па словах кіраўніка казахскага Нацбанку, да 2020 года ў краінах Мытнага саюза будзе адзіны фінансавы рынак, і да гэтага часу і курсавая, і грашова-крэдытная, і наглядная палітыка павінны быць прыблізна аднолькавымі.