Моцны землятрус у Кітаі: разбурана 1,4 тысячы будынкаў
Стыхійнае бедства прыйшло ў паўднёва-заходнюю правінцыю Юньнань у нядзелю 3 сакавіка. Магутнасць землятрусу склала 5,5 бала.
Апроч 1,4 тысячы разбураных будынкаў, пашкоджаныя яшчэ болей за 6 тысяч дамоў. Звестак пра чалавечыя ахвяры пакуль няма, раненні атрымалі 30 чалавек, адзін з пацярпелых у цяжкім стане. Усяго ў зоне землятрусу жыве 130 тысяч чалавек. У рэгіёне ідзе гуманітарна-ратавальная аперацы, інфармуе РИА Новости.
Цягам апошніх тыдняў у паўднёвых рэгіёнах КНР амаль штодня фіксаваліся землятрусы, магнітуда наймацнейшага з якіх склала 4,9 бала.