Мітрапаліт Філарэт: патрэбнае аднадумства свецкай і духоўнай улады
У сваім святочным пасланні мітрапаліт Мінскі і Слуцкі адзначыў, што такое “аднадумства” не аднойчы ратавала Беларусь.
Ён прывёў прыклад з гісторыі 400-гадовай даўніны:
“У тыя далёкія гады Гасподзь вылучыў з роду князёў Слуцкіх Алелькавічаў святую праведную Сафію Слуцкую. Гэтая святая жанчына з пакорнасцю прымала ўсе абставіны жыцця, але пры гэтым сэрца яе было аддадзена Госпаду. Яна здолела пераканаць свайго мужа дабіцца ад польскага караля граматы, паводле якой у Слуцкіх уладаннях забаранялася сілаю прымушаць да ўніі праваслаўных людзей. Падзвіжніцкай працай і сваім праведным жыццём княгіня захавала Слуцкі край — вотчыну сваіх набожных продкаў князёў Алелькавічаў — ад уніяцкага паланення”.
