Мінскае "Дынама" атрымала валявую перамогу над "Ак Барсам"
Матч прайшоў у суботу ў Казані. Лік па перыядах — 0:1, 0:0, 2:1, 1:0.
Яўген Мядзведзеў на 9-й хвіліне выводзіць гаспадароў пляцоўкі наперад, на 47-й Аляксей Марозаў робіць лік 2:0. Здавалася, што дынамаўцы адыграцца ўжо не змогуць, аднак... На працягу 28 секунд (!) Джэф Плат і Павел Чарнавок (57-я і 58-я хвіліны) закінулі па шайбе і лік стаў роўны. У авертайме ў большасці Цім Стэплтан выдатным кідком прыносіць "Дынама" перамогу — 3:2!
Адзначым, што ў Чарнавока і Стэплтана — гэта першыя шайбы за дынамаўцаў у КХЛ.
Нагадаем, у стартавым паядынку чэмпіянату Кантынентальнай хакейнай лігі 6 верасня мінскае "Дынама" прайграла ў Ніжнекамску "Нафтахіміку" — 0:3.
На здымку: Галоўны трэнер Кары Хейкіля плануе вывесці мінскае “Дынама” на пік формы ў сярэдзіне сезона.
