Маршрут новага міжнароднага кантэйнернага цягніка прайшоў праз Беларусь
Ён арганізаваны па замове кліентаў Hewlett Packard дзеля дастаўкі грузаў з Кітая ў Германію.
Мэта праекта — дастаўка грузаў з Чонг-Куінг (Кітай) у Дуйсбург (Германія) у мінімальна сціслыя тэрміны: за 15-16 сутак, паведамляе прэс-служба Беларускай чыгункі.
Пілотны праект стартаваў 17 сакавіка з Чонг-Куінг, і ўжо 31 сакавіка кантэйнерны цягнік перасёк мяжу Беларусі. Для праходжання па тэрыторыі нашай краіны і афармлення ўсіх мытных працэдур спатрэбілася менш за суткі. 3 красавіка цягнік прыехаў у Дуйсбург.
