Маладафронтаўца вярнулі са шпіталя і асудзілі на 15 сутак
Такі прысуд абвясцілі для Рамана Васільева, затрыманага пасля "Чарнобыльскага шляху".
Яго паплечнікам па "Маладым фронце" (Чэхія) Міколу Дземідзенку і Міхаілу Мускаму таксама прысудзілі па 15 сутак, інфармуе праваабарончы сайт "Вясна". Усіх абвінавацілі ў дробным хуліганстве. Хлопцы кажуць, што іх моцна збілі пасля затрымання.
Суд над затрыманымі сёння Уладзімірам Яроменкам і Змітром Крамянецкім перанеслі на суботу, бо юнакі запатрабавалі адвакатаў.
Фота — caricatura.ru