Лукашэнка заявіў аб правале гадавых эканамічных прагнозаў
Вінаватым у правале ён назваў сам урад.
Пра гэта беларускі кіраўнік заявіў 22 лістапада на нарадзе з прадстаўнікамі Нацыянальнага банка і ўрада.
Лукашэнка: "На жаль, нават беглае азнаямленне са статыстыкай паказвае, што гадавы прагноз не будзе выкананы па прамысловасці, сельскай гаспадарцы, будаўніцтве жытла і мадэрнізацыі вытворчасці. Маса праблем! Трывожней за ўсё, што пагоршыўся дабрабыт людзей, па якім балюча ўдарыла інфляцыя. Павінен са шкадаваннем адзначыць, што замест энергічных мераў урада па мабілізацыі рэсурсаў і сіл на пераадоленне негатыўных з'яваў, я бачу толькі дыскусіі".
